Dise wurcz in wein gesoten die zerschwollen gelÿd domit bestrichen sezt die geschwulst. Dise wurcz bτingt auch vil geblŭt dem menschen d sich verczert hat in einer kranckeit·dise ist die aller beste wurcz und allen wurczlen nach d reubarbarbara die man finden mage.
Paulus in dem capitel reponticum beschτeibt uns und spτicht dz die seÿ heýþ und trucken an dem andern grad·und jr tugent ist stercken und reÿnigen dz geblŭt·und ist durchτingen bôse feüchtigkeÿt auþ dem leÿbe·(Ein pflaster gemachet also·nÿmm ôle rosarum·ij·uncz·dz ist vier lot und bulfer von d wurcze reupontica ein halb lot und müsche darund wachþ dz dises werde als ein pflaster·dises lege auþwenig auff den magen od auff die leber od auff die milcze od an wôlchen enden dich duncket in dem leÿb gelecziget sein·es heÿlet den gebτesten·(Das bulfer genüczet tôdtet die wŭrm in dem bauch·(Wein darjnn gesoten ist repontica mit fenchelsamen und mit zucker sŭþ gemachet ist gůt wid bestopffung lebern und milczes von einer kalten materien·
Item reupontica gebulfert und vermennget mit wenig hônigs·und davon genüczet ist gôt wider die worme.
